युवा बौद्ध मण्डल नेपालया भोजन दान
यल (सन्ध्या टाइम्स)/युवा बौद्ध मण्डल नेपालया वार्षिक भोजन दान कार्यक्रम क्वचाल। मण्डलया थ्व निक्वःगु भोजन दान खः। वंगु शनिवाः कुन्हु श्री शाक्य सिंह बिहार थैनाय् लि सोभन फ्राँ, सोभन भिक्षु, धम्मपाल महास्थविर, भिक्षु संघ व अनागारिका गुरुमांपिं यानाः सुइम्हेसित भोजन दान जूगु खः ।
वकुन्हु हे श्री सुमंगल विहारय् च्वनाबिज्याःम्ह अखिल नेपाल भिक्षु महासंघया संघनायक भन्ते बुद्धघोष महास्थविर अस्वस्थ्य जुयाच्वंगुलिं युवक बौद्ध मण्डल कार्यसमिति परिवार वनाः वसपोलया सुस्वास्थ्य व दिर्घायुया कामना यासें वासः यायेगु निंतिं निद्वः तका आर्थिक ग्वाहालि नं लःल्हाःगु दु ।
