ख्वपय् म्याद फुगु सामान ज्वन
ख्वप (सन्ध्या टाइम्स)/ ख्वपया कमलविनायक व सुकुलध्वाखा लागां बुधवाः म्याद फुगु व लेबल मदुगु थीथी सामान ज्वनाः नष्ट याःगु दु। बाणिज्य विभागं बजार अनुगमन यानाः उगु सामान ज्वंगु खःसा ज्वनेधुनेवं हे यंकाः दालमोथ, चियापति, मिट मसला, चाउचाउ, पाउडर, बिस्कुट लगायतया सामान मि तयाः नष्ट याःगु खः ।
सुकुलध्वाखाया भाइसाहु एण्ड सन्स, कमलविनायकया विनायक स्टोर व नवदुर्गा स्टोरं उगु सामान ज्वंगु खः।
विभागया निर्देशक डा. खिमलाल बास्कोटाया नेतृत्वय् वःगु उगु पुचलं पसः दर्ता जूगु मजूगु, न्याना काःगु मूल्य व मीगु मूल्य अध्ययन याःगु खः। म्याद फुगु सामान बिउगु पसः व दर्ता मयाःगु व प्यानय् दर्ता मजूगु पसःयात छवाः तकया तारिख बिउगु खँ बाणिज्य विभाग शाखा प्रमुख कमलबहादुरथापां कनादिल ।
