संवैधानिक समितिया बैठकय् प्रम
येँ (सन्ध्या टाइम्स)/ संविधान दयेकेगु निंतिं दकलय् महत्वपूर्णगु समिति संवैधानिक समितिया बैठक थौं सुथय् च्वन ।
थौंया समितिया बैठकय् प्रधानमन्त्री माधव नेपाल, माओवादीया उपाध्यक्ष डा. बाबुराम भट्टराई व मधेशी जनअधिकार फोरमया अध्यक्ष उपेन्द्र यादवयालिसें थीथी पार्टीया शीर्ष नेतातय्सं ब्वति काःगु खः ।
उगु बैठकय् न्ववायेगु झ्वलय् प्रम नेपालं अर्थहीन विवादय् तमक्यँसें सैद्धान्तिक बहस न्ह्याकाः याकनं संविधान च्वयेगु ज्या क्वचायेकेमाःगु खँ धयादीगु दु ।
वय्कलं संविधानय् दुथ्याकेगु खँय् वयाच्वंगु विवादयात ज्यंकेत कार्यदल दयेकाः जूसां नं सहमति कायम यायेमाःगु खँय् नं बः बियादिल ।
