ज्यापु समाज यलया न्हूगु ज्यासना पुचः

यल (सन्ध्या टाइम्स)/ज्यापु समाज यलया खुक्वःगु तःमुँज्या व झिंखुक्वःगु दँमुँज्यां रामकाजी अवालेया अध्यक्षताय् न्हूगु ज्यासना पुचः स्वंगु दु। न्हापांम्ह व निम्हम्ह उपाध्यक्ष मंगल महर्जन व तीर्थलाल महर्जन च्वनादीगु दु। अथे हे सचिव प्रेम महर्जन, न्हापांम्ह सहसचिवय् राजेन्द्र महर्जन व निम्हम्ह सह सचिवय् सन्तमान महर्जन, कोषाध्यक्ष उकुलाल महर्जन व सहकोषाध्यक्षय् सविना महर्जन ल्यःगु दु। साधारणसभां जात्रा, पर्व, संस्कृति व संस्कार हनेगु झ्वलय् जुइगु सामाजिक व्यवहार सुधार यायेगु उद्देश्यं व्यवहार सुधार नियमावली पारित याःगु दु ।