दलत छप्पं मजूसाः ईलय् संविधान निर्माण असम्भव : नेम्वाङ
संविधानसभाया अध्यक्ष सुवाषचन्द्र नेम्वाङं दलत छप्पँ मजूसाः ईलय् हे संविधान निर्माण यायेमफइगु खँ धयादीगु दु ।
आइतवाः नेपाल पत्रकार महासंघं याःगु छगू ज्याझ्वलय् न्ववानादिसें अध्यक्षा नेम्वाङं देय् जटिल अवस्थाय् लानाच्वंसां दलत छप्पँ मजूगुलिं च्यूता प्वंकादिल । वयेकलं स्वयम दलतय्सं विदेशी हस्तक्षेप जुल धकाः धयाच्वंसां थंज्याःगु ईलय् नं दलत थःथःगु अडान कयाः प्यखे स्वयाच्वंगु द्वपं बियादिल ।
वयेलकं देशय् समस्या जुयाच्वंगु ईलय् नं दलत छप्पं मजूगु प्रति लक्षित यासें जनताया म्यान्डेट थ्वहे खलाः धकाः न्ह्यसः तयादिल । वयेकलं संविधान निर्माण यायेत च्यलाः जक ल्यंदनीगु खँ न्ह्यथंनादिसें दलत छप्पं जुसाः च्यालाःया दुने संविधान निर्माण सम्भव जूगु व दलत छप्पं जुइगुया विकल्प मदुगु धयादिल ।
ज्याझ्वलय् नेम्वाङं एमालें याःगु तुच्चाः ज्याझ्वलय् प्रमुख दलया नेतातय्सं असोज २१ गते निसें संसद चालीगु धाःसां आः तक सहमित जुइमफु धासें दुःख प्वंकादिल । वयेकलं व्यवस्थापिका संसद जनताया प्रतिनिधि मुलक संस्था जूगुलिं थुकीयात चायेकेगु जिम्मेवारी दक्वसियां जूगु बिचा: प्वंकादिल ।
