कर्मचारीतन्त्रय् आमुल सुधार आवश्वक : प्रधानमन्त्री

प्रधानमन्त्री माधवकुमार नेपालं कर्मचारीतन्त्रय् आमूल सुधार आवश्यक जूगु खँ धयादीगु दु ।

उच्च माध्यमिक शिक्षक एशोसियशनया उल्लेज्याया निंतिं शुक्रावाः पोखरा झायादिम्ह प्रधानमन्त्री नेपालं शनिवाः पत्रकारत नाप खँल्हाबंला यानादिसें कर्मचारीतन्त्रं असहयोग याःगु खँ धयादीगु दु । वयेकलं दक्वं ज्याय् बिच्चेलाकूगु धयादिसें कर्मचारीतन्त्रय् आमुल सुधार आवश्यक जूगु खँय् बः बियादिल ।

कर्मचारीत दथुइ कन्हय् व मेपिंत ज्या ब्वयेगु ज्यां सर्वसाधारणयात सास्ती जूगु धयादिसें प्रधानमन्त्री नेपालं कर्मचारीया स्यंगु बानीया कारणं थः स्वयम व देशं हे पीडा भोगे यानाच्वंगु धयादिल ।

अथेहे प्रधानमन्त्री नेपालं दलत दथुइ सहमतिया निंतिं कुतः जुयाच्वंगु व देशया जटिल परिस्थिति प्रति माओवादी नं चिन्तित जूगुलिं सहमति जुइगु विश्वास प्वंकादिल ।