गृहमन्त्री सिंगापुर पाखे
गृहमन्त्री भीम रावल नेपाल प्रहरी व सशस्त्र प्रहरीया उच्च अधिकारीत सहित शनिवाः सिंगापुर प्रस्थान यानादीगु दु । आइतवाः निसें न्यान्हू तक न्ह्याइगु इन्टरपोलया न्ह्यच्याक्वःगु महासभाय् ब्वति कायेत गृहमन्त्रीया नेतृत्वय् खुम्ह दुजः दुगु पुचः उखे पाखे वंगु खः ।
सिंगापुर प्रस्थान याये न्ह्यः त्रिभुवन अन्तराष्ट्रिय विमानस्थलय् पत्रकारत लिसे खँल्हाबंला यानादिसें मन्त्री रावलं अन्तरदेशीय सिमा अपराध व अन्तर्राष्ट्रिय प्रहरीया अप्वःगु मागयात ध्यानय् तयाः नेपालं कार्यनीति न्ह्यब्वइगु कनादिल । वयेकलं महसभां नेपल प्रहरीया सुधारया निंतिं अन्तर्राष्ट्रिय अनुभव कयावयेगु धयादिल ।
वयेकलं अपराधया विश्वव्यापिकरण व अपराधीत अन्तरदेशीय तहलय् अप्वयावंगु कारणं थुगुसीया महासभाय् 'अन्तर्राष्ट्रिय प्रहरी' निर्माण सम्बन्धि राणनीतिक ढाँचाय् सहलह जुइगु जानकारी बियादिल ।
महासभाय् गृहमन्त्री रावल नापं नेपाल प्रहरीया महानिरीक्षक रमेश चन्दं सम्बोधन याइगु ज्याझ्वः दु ।
