उद्योगमन्त्रीयात हाकूगु ध्वाँय्

एकीकृत नेकपा (माओवादी)या कार्यकर्तातय्सं शनिवाः बुटवलय् उद्योगमन्त्री महेन्द्र राय सिंह यादवयात हाकूगु ध्वाँय् क्यंगू दु । वर्तमान सरकार विरुद्ध नाराबाजी यासें मन्त्री यादवयात हाकूगु ध्वाँय् क्यनेगु झ्वलय् प्रर्दशनकारीत व सुरक्षाकर्मीत दथुइ ल्वापू नं जूगु खः ।

रुपन्देही उद्योग वाणिज्य संघया अधिवेशन उल्लेज्या यायेत बुटवल थ्यंकादिम्ह उद्योगमन्त्री यादव गयाः वःगु गाडीइ नं प्रर्दशनकारीतय्सं अप्पां क्येकूगु खः । अप्पां लानाः गाडीं क्षति जूसां मन्त्री यादवयात धाःसा छुं मजूगु खँ सुरक्षाकर्मीतय्सं धाःगु दु ।

नागरिक सर्वोच्चताया माग यासें माओवादीं राष्ट्रपति, प्रधानमन्त्री नापं मन्त्रीतय्सं ब्वति काःगु ज्याझ्वः बहिष्कार यायेगु व हाकूगु ध्वाँय् क्यनावायाच्वंगु दु ।