एमालेया ब्वहलय् तःधंगु जिम्मेवारी
येँ (सन्ध्या टाइम्स)/संविधान दयेकेगु जिम्मेवारी एमालेया ब्वहलय् वःगु खँ एमाले अध्यक्ष झलनाथ खनालं धयादीगु दु।
थौं सुथय् अर्घाखाँचीया अर्घय् एमाले कार्यकर्तातय्त प्रशिक्षण बीगु झ्वलय् वय्कलं उगु खँ धयादीगु खः। वय्कलं धयादिल, 'थौं देशय् उग्र वामपन्थी भड्काउ दुगु माओवादी व यथास्थितिवादी कांग्रेसयात मिले याना यंकेगु मिलनविन्दु एमाले खः ।'
पार्टी दुने पोलिटब्यूरो दुजःतय् दथुइ तच्वया वनाच्वंगु विवाद आः च्वनीगु केन्द्रीय बैठकं ज्यंकी धासें थुकिया निंतिं कुतः जुयाच्वंगु खँ नं वय्कलं कनादिल। न्ह्यानाच्वंगु राजनीतिक गतिरोध चीकेगु कुतः जुयाच्वंगु दु धासें थुकी माओवादीं नं लचकता क्यनाच्वंगु खँ वय्कलं धयादिल ।
उखे केपी ओलीं धाःसा पार्टी संस्थापन पक्ष पार्टी तछ्यायेगु कथं न्ह्यानाच्वंगु द्वपं जनकपुरय् न्ववायेगु झ्वलय् बियादीगु दु ।
