कन्हसंनिसें चिनियाँ महोत्सव
येँ (सन्ध्या टाइम्स)/थ्वहे असोज २४ गते निसें ३० गते तक प्यक्वःगु चीन महोत्सव जुइगु जूगु दु ।
प्रधानमन्त्री माधव नेपाल व चिनियाँ राजदूत छिऊ गुओहाङ्ग मंकाः कथं उगु महोत्सवया उलेज्या यानादी।
थनया प्रज्ञा प्रतिष्ठानय् जुइगु उगु महोत्सवय् मुक्कं ६० गू स्टल दइ ।
महोत्सवय् चिनियाँ एक्रोब्याटिक्स, सांस्कृतिक ज्याझ्वः, फेसन शो, किपा ब्वज्या, चिनियाँ नसाज्वलं, चिनियाँ संकिपा ब्वज्या नापं चिनियाँ साहित्यकार लु शुनया जीवनीइ आधारित विशेष ब्वज्या नं जुइ। महोत्सवय् संस्कृति विकास व प्रगति पिलुइगु थीथी उत्पादनया नं ब्वज्या जुइगु खँ धाःगु दु ।
चीनय् कम्युनिष्ट पार्टीया सरकार स्थापनाया ६० दँ क्यंगु लसताय् उगु ज्याझ्वः जुइत्यंगु खः ।
