नेपाली पत्रकारतय्गु मंका: सञ्जाल निर्माण यायेगु
देशं पिने कार्यरत नेपाली पत्रकारतय्गु मंका: सञ्जाल निर्माण यायेगु उद्देश्य कथं नेपाली पत्रकारतय् विश्व सम्मेलन वइगु ११ अक्टोबरय् येँय् जुइगु जूगु दु ।
गैर आवासीय नेपाली संघया प्यक्वःगु विश्व सम्मेलनया सहायक ज्याझ्वः कथं यायेत्यंगु उगु सम्मेलनं देशं पिने ज्या यानाच्वंपिं नेपाली पत्रकारतय्गु विश्वन्यंकया सञ्जाल निर्माण यायेगु व अज्याइगु सञ्जालं प्रवासी नेपाली पत्रकारतय्गु हकहितया विषययात कयाः ज्या याइगु खँ धा:गु दु ।
प्रवासी नेपाली पत्रकारतय् सक्रियताय् नेपाल पत्रकार महासंघया ग्वसाः व गैर आवासीय नेपाली संघया ग्वाहालिइ उगु ज्याझ्वः यायेत्यंगु खः । प्रवासी नेपाली पत्रकारतय्सं विदेशय् च्वनाः समाजया घटनायात बुखँया माध्यमपाखें प्रवासया नेपाली समाज व प्रवासया गतिविधियात नेपाली मिडियातक हयेगु निंतिं महत्वपूर्ण भूमिका निर्वाह यानावयाच्वंगु दु ।
