नीखुक्वःगु खुसिइ संसद अवरुद्ध

एकीकृत नेकपा (माओवादी)या सभासदतय्गु अवरोधया कारण व्यवस्थापिका संसदया बैठक शुक्रवा: नीखुक्वःगु खुसिइ नं अवरुद्ध जूगु दु । बैठक न्ह्यायेवं हे माओवादीया सभासदतय्सं नाराबाजी यासें रोष्ट्रम घेरे यायेवं बैठक आइतवा: स्वताः ई तकया निंतिं स्थगित जूगु दु ।

माओवादीं सेनापति प्रकरणय् राष्ट्रपितं ल्ह्वंगु पला: असंवैधानिक जूगु व उकीया बारे सदनय् सहलह जुइमाःगु माग यासें वंगु साउन २२ गतेनिसें व्यवस्थापिका संसद बैठक अवरुद्ध यानावयाच्वंगु दु । शुक्रवा:या बैठकय् आर्थिक दँ ०६६/६७ या बजेट अन्तर्गतया बिनियोजन बिधेयकय् सहलह जुइगु ज्याझ्वः दुगु खः ।