भुटानी शरणार्थीया आत्मसम्मानय् घाः लाःगु द्वपं

भुटानी शरणार्थी प्रतिनिधि स्वदेश फिर्ती समितिं नेपाल सरकारया कमजोरीया कारण छेँय् लिहांवये वने चाहे जूपिं भुटानी शरणार्थीया आत्मसम्मानय् घाः लाःगु द्धपं ब्यूगु दु ।

समितिया नायः डा. भम्पा राईं शुक्रवा: नेपाल सरकारयात ज्ञापनपत्र छ्वयाः छेँय् लिहां वने चाहे जूपिं भुटानी शरणार्थीया मनोभावनाया नं मूल्याङ्कन यायेत इनाप यासें ग्वाहालिया निंतिं इनाप याःगु दु । झापाया दमकय् याःगु छगू ज्याभझ्वलय् गृह मन्त्रालयया प्रतिनिधिपाखें नेपाल सरकारयात ज्ञापनपत्र छ्वःगु खः । स्वदेश लिहां वनेगु निंतिं थ्व स्वयां न्ह्यः शरणार्थीं याःगु कुतः ताःमलाःगु खँ न्ह्यथंसें ज्ञापनपत्रय् स्वंगूगु मुलुकय् पुर्नवासया प्रचार आपालं जूगुलिं आः उकियात दीकेत नं इनाप याःगु दु ।