आईटी पार्क संचालनया जिम्म आईबीएमयात
अमेरिकी कम्पनी इन्टरनेसनल विजिनेस मसिन (आईबीएम)यात धौख्यःलय् च्वंगु आईटी पार्क संचालनया जिम्मा ब्यूगु दु । शुक्रवाः धौख्यःलय् च्वंगू सूचना प्रविधि उच्च आयोगया बैठकं उगु कम्पनीयात पार्क संचालनया जिम्मा ब्यूगु खः ।
बैठकय् ब्वति कयादिम्ह प्रधानमन्त्री माधवकुमार नेपालं राजनीतिक गतिरोध व समन्वयया अभावं पार्क संचानय् ढिलाई जूगु धयादिल । न्यादँ न्ह्यः निर्माण जूगु उगु पार्क थीथी कारणं आः तक संचालनय् वयेमफुगु खः । शुक्रवाः च्वंगु बैठकं जिम्मा बीवं आइबीएमं पार्कय् विजनेस ब्लकपाखें संचालनया निंतिं ज्या न्ह्याकूगु दु ।
अयोगया बैठकं प्रधानमन्त्रीया ज्याकूथी सूचना प्रविधि केन्द्र स्थापना यायेगु निर्णय नं याःगु दु । अथेहे बैठकं सूचना प्रविधियात प्रतिस्पर्धी दयेकेगु, सूचनाया पहुँच ग्रामीणस्तरय् तक थ्यंकेगु व लगानी मैत्री वातावरण तयार यायेमाःगु निर्णय याःगु दु ।
