प्रहरी हवल्दारं सर्वसाधारणयात दाल
येँ (सन्ध्या टाइम्स)/दांगय् छम्ह प्रहरी हवल्दारं छम्ह मिसा व छम्ह मचायात तच्वकं दाःगु दु ।
दांगया प्रहरी बोर्डिङय् ज्या यानाच्वंम्ह हवल्दार कमल रावतं घोराही नगरपालिका वडा नम्बर २ लय् च्वनिम्ह चौधरीयात वयाःगु हे छेँय् दुहां वनाः दाःगु खँ धाःगु दु ।
अथे हे प्रहरी हवल्दार रावतं गीताया खुदँ दुम्ह काय नितेश चौधरीयात नं दाःगु खँ धाःगु दु ।
म्हिगः बहनी ९ बजे हवल्दार रावतं चौधरीया छेँय् खापाः चायेकेत धाःगु व खापा मचायेकेवं खापा तछ्यानाः दुहां वनाः मां काययात दाःगु खः। घटना जुइवं स्थानीय जनतां हवल्दार रावतयात ज्वनाः प्रहरी लःल्हाःगु खः ।
