भिक्षु तपस्सी जापान बिज्याइगु
येँ (सन्ध्या टाइम्स)/जापानय् जुइगु खुक्वःगु -विश्व युवा भिक्षु' सम्मेलनय् ब्वति कायेत भिक्षु तपस्सीधम्म स्थवीर उखे झायादीत्यंगु दु। वय्कः थ्वहे वइगु अक्टोबर १८ तारिख कुन्हु उखे झायादीगु ज्याझ्वः दु। भिक्षु तपस्सी उगु संस्थाया उपाध्यक्षया लिसें नेपाल च्याप्टरया अध्यक्ष खः ।
अथे हे वय्कः भिक्षु तपस्सी जापानं तुं ताइवान बिज्याइगु ज्याझ्वः दु। ताइवानया सिनजिङ्ग विहार जेन एकेदेमीया अध्यक्ष शीन हुई गङ्गइरुया ब्वनाय् वय्कः ताइवान झायादीत्यंगु खः ।
