संसद चले जुइमफुत

मोहनि लिपाः न्हापांगु पटक च्वंगू व्यवस्थापिका संसदया बैठक बुधवाः नं च्वनेमफुत । बुधवाः स्वताः ईलय् सःतुगु बैठक न्ह्यायेवं प्रमुख प्रतिपक्षी दल एकीकृत नेकपा (माओवादी)या सभासदतय्सं नाराबाजी यायेवं बैठक स्थगित याःगु खः । स्थगित बैठक शुक्रवाः स्वताः ईलय् हानं च्वनीगु जानकारी ब्यूगु दु ।

स्वंगू प्रमुख दलत दथुइ सहमतिया निंतिं जुयाच्वंगु वार्ता ताः मलायेवं माओवादीया सभासदतय्सं बुधवाःया बैठक नं न्ह्याकेमब्यूगु खः । माओवादीं नागरिक सर्वोच्चत व राष्ट्रपतिया पलाः भिंकेमाःगु माग याना: निला: न्ह्यः निसें संसदया बैठक अवरुद्ध यानावयाच्वंगु दु ।