थौं मन्त्रिपरिषदया बैठक
येँ (सन्ध्या टाइम्स)/थीथी विषयय् सहलह यायेत मन्त्रिपरिषदया बैठक थौं च्वनेत्यंगु दु ।
बैठकय् प्रधानमन्त्री नेपालं यानादीत्यंगु चीन भ्रमणया एजेन्डा बारे सहलह जुइगु खँ धाःगु दु। अथे हे बैठकय् मोहनि न्ह्यः संयुक्त राष्ट्रसंघया महासभाय् ब्वति कयादीगु बारे नं ब्रिफिङ्ग यानादीगु ज्याझ्वः दु ।
लिसें बैठकय् सरकारं लागू याःगु सुरक्षा योजना कार्यान्वयन, जनआन्दोलनया घाःपाः जूपिं घाइतेतय्त बीगु भत्ता वृद्धि, सुदूरपश्चिमय् चलखं प्रभावित जूपिंत राहत बीगु आदि बारे नं सहलह जुइ धाःगु दु ।
अथे हे बैठकय् थीथी मन्त्रालयया एजेन्डायात कयाः नं सहलह जुइ ।
