'आन्दोलन वाहियात'

येँ (सन्ध्या टाइम्स)/पुनर्गठित माओवादीया संयोजक मातृका यादवं स्वन्ति लिपा एकीकृत माओवादीं याये धाःगु आन्दोलन वाहियात ज्या धाःगु दु। रौतहटया गौरय् पत्रकार सम्मेलन यानाः वय्कलं उगु खँ धयादीगु खः। पत्रकार सम्मेलनय् न्ववायेगु झ्वलय् वय्कलं जनतायात झंगः लायेत माओवादीं नागरिक सर्वोच्चताया खँ ल्ह्वनाच्वंगु खः धासें थःपिंसं थज्याःगु आन्दोलनयात वाहियात तायेका धयादिल। वय्कलं दलत कुर्सी कायेगु कासाय् लगे जुयाच्वंगुलिं संविधान दयेके मफइगु दावी नं यानादिल। आःया सरकारं २०४६ साल न्ह्यःया पञ्चायती व्यवहार क्यंगु द्वपं बिसें जनतां थज्याःगु सरकारयात तिरस्कार व नेतातय्त बहिस्कार याइगु खँ नं वय्कलं कनादिल ।