बागीश्वरी उमाविं जग्गाया किस्ता पुल
ख्वप (सन्ध्या टाइम्स)/ बागीश्वरी उच्चमावि च्याम्हसिंहं थःपिनि न्यागू रोपनी जग्गाया लागिं कमलविनायक आवास योजनायात अन्तिम किस्ता पुल। विद्यालयया निर्देशक मोहनप्रसाद प्रजापतिया नेतृत्वय् प्राचार्य कृष्णप्रसाद धन्छा, स्रोत व्यक्ति लक्ष्मीप्रसाद ढुकुछु व लेखा सहायक सविन्द्र प्रजापतिपिं उखे वनाः उगु दांया चेक हस्तान्तरण याःगु खः। कूल २३ करोड ६५ लाख दां स्वंगू किस्तां चुक्ता यायेगु कथं जग्गा प्राप्त याःगुलिं आः उगु जग्गाया फुक्कं किस्ता पुवंक पुलेज्या जूगु खः ।
आयोजनाया इन्जिनियर ओमहरि था श्रेष्ठं भौचर बुझे यानाः कयादिसें सम्झौता कथं दां बुझे याना बिउगुलिं लसता प्वंकादिल ।
नेपाल बैंक लिमिटेड कमलविनायक शाखाया भक्तपुर नगरपालिका चल्ती खाता नम्बर ग-४-३ (१९/५१/६६७८) य् उगु दां मुंकाः आयोजनाय् सक्कली भौचर बुझे याःगु खः ।
