सूर्यविनायक गणेश संरक्षण समिति नीस्वन

ख्वप (सन्ध्या टाइम्स)/ख्वप नगरपालिका १५ वडाया स्थानीय स्मृति नगरया ल्याय्म्हतय् मुँज्यां सूर्यविनायक गणेश संरक्षण समिति नीस्वंगु दु। उगु समितिइ नीनिम्ह दुजः तःगु दु। उगु लागाय् आपालं आपराधिक ज्यात व लागू पदार्थ छ्यलीपिनि बिगबिगि जुयाच्वंगु खँयात ध्यानय् तयाः थुगु समिति नीस्वंगु खः। समितिं लागू पदार्थ सेवन याइपिंत नियन्त्रण यायेगु नापं उगु लागाय् तास, जू व लंगूर बुर्जा म्हितीपिंत नं नियन्त्रण याइ। ख्वपया थीथी त्वालय् थौंकन्हय् लागू पदार्थ छ्यलीपिं अप्वया वनाच्वंगु दु ।