पाल्पाय् बस दुर्घटना जुयाः न्ह्यम्ह सित

बुटवलं पाल्पाया रामपुर वनाच्वंगु लु. १. ख. ५२७१ नम्बरया बस चिदीपानी गाविसया सातदोबाटे धाइगु थासय् दुर्घटना जुया: न्ह्यम्ह सीगु दुसाः पीम्ह स्वयां अप्वः घाःपाः जूगु दु । दुर्घटनाय् लानाः सिपिं त्रिभुवन थापा, नारायण मगर व देव विक जूगु व मेपिं प्यम्हेसिया नां सिकेमफुनी ।

बुधवाः न्हिनय् सतकं डेढसय मिटर क्वये कुतुंवनाः जूगु उगु दुर्घटनाय् लानाः घाःपाः जुपिंत तानसेनय् च्वंगु मिसन अस्पताल व लुम्बीनी मेडिकल कलेजय् वास याकातःगु दु । घाःपाः जूपिं खुम्हेसिया अवस्था गम्भीर जूगु खँ धाःगु दु ।

घटना सदरमुकाम तानसेनं नीगू किलोमिटर तापाःगु थासय् जूगु खः ।