माओवादी नेतृत्वया सरकार लिपाः जक सहमति : प्रचण्ड
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' माओवादी नेतृत्वया राष्ट्रिय सरकार गठन मजूतल्ले सहमति मजुइगु खँ धयादीगु दु ।
मंगलवाः माओवादीया मू ज्याकू कोटेशवरय् ग्वसाःग्वःगु शिक्षा ल्यापौ पत्रिकाया उल्लेज्या यायेगु ज्याझ्वलय् अध्यक्ष प्रचण्डं राष्ट्रिय सरकार व नागरिक सर्वोच्चताया खँ नाप नापंयंकाः प्याकेजय् समस्या समाधान मालेमाः धयादिल ।
वयेकलं माओवादीयात छखे तया संविधान निर्माण व शान्ति प्रकृयायात निष्कर्षय् थ्यंकेमफइगु खँ थुइकाः दलतय्सं न्हापा स्वयां भचाः लचकता क्यंगू धयादिल । वयेकलं कांग्रेस व एमालेया तुच्चा मार्फत शीर्ष नेतात दथुइ जूगु सहलह पाखें सहमतिया नाप थ्यंकूगु धयादिल ।
सहमतिया निंतिं कांग्रेस व एमालें तयार याःगु मंकाः संकल्प प्रस्तावया मस्यौदा पूर्ण मजूगु धयादिसें सहलहया निंतिं माओवादी बिस्कं हे मस्यौदा तयार यानाच्वंगु कनादिल । वयेकलं माओवादीया लचकताया वाबजुद नं दलत सहमतिलय् मवसाः स्वन्ति लिपाः माओवादी सशक्त आन्दोलन याइगु ख्याचवः बियादिल ।
