स्वन्ति लिपा सशस्त्र पुचःलिसे वार्ता
तराई लागाय् सशस्त्र आन्दोलन याना वयाच्वंगु सशस्त्र पुचःलिसे स्वन्ति लिपा वार्ता जुइगु खँ शिक्षा मन्त्री रेणु यादवं कनादीगु दु । थौं सुथय् नेपालगाजय् जूगु पत्रकार सम्मेलनय् वय्कलं उगु खँ कनादीगु खः ।
पत्रकारत लिसे खँ ल्हायेगु झ्वलय् वय्कलं तराई लागाय् सशस्त्र आन्दोलन याना वयाच्वंगु च्यागू पुचःत लिसे थःपिनिगु सम्पर्क जुइ धुंकूगु खँ नं कनादीगु दु ।
अथे हे वय्कलं माओवादी सेना समायोजन यायेगु निंतिं दयेकीगु विशेष समितिइ माओवादीइ यानाच्वंगु दावी उचित जूगु खँ नं कनादीगु दु । माओवादीया नेतृत्वय् समिति दयेकल धाःसा सेना समायोजन यायेगु ज्या अःपुइगु बिचाः प्वंकादिसां वय्कल माओवादी सेनायात राष्ट्रिय सेनाय् समायोजन याये मजिउ धयादिल । थुकिया निंतिं थःगु पार्टी तयार मदुगु खँ नं कनादीगु दु ।
