ज्वाला पुचःया केन्द्रीय दुजः ज्वन
येँ (सन्ध्या टाइम्स)/तराई जनतान्त्रिक मुक्ति मोर्चा (ज्वाला सिंह) पुचःया केन्द्रीय दुजः तुलसी धाइम्ह साखीचन्द्र यादवयात प्रहरीं थौं सुथय् महोत्तरीं ज्वंगु दु।
यादवयात प्रहरीं महोत्तरीया एकडाराय् च्वंगु थःगु हे छेँनं ज्वनागु खँ सशस्त्र प्रहरी नायब निरीक्षक जनक बहादुर बोहरां कनादीगु दु ।
चन्दा आतंक व ख्याच्वः बिउगु द्वपनय् ज्वंम्ह यादवपाखें प्रहरीं मोर्चाया महत्वपूर्ण भ्वं नं ज्वनागु खँ धाःगु दु। यादवयात थ्व स्वयां न्ह्यः २०६४ सालय् ल्वाभः सहित ज्वंगु खःसा लिपा सरकारलिसे वार्ता यायेगु झ्वलय् वार्ताया वातावरण दयेकेगु निंतिं २०६५ सालय् जलेश्वर कारागारं त्वःतूगु खः ।
