ख्वप क्यान्सर अस्पतालय् निःशुल्क मचाछेँया जाँच
ख्वप (सन्ध्या टाइम्स)/भक्तपुर क्यान्सर अस्पतालं थःपिनि निःशुल्क मचाछेँया जाँच शुरु याःगु दु। अस्पताल झिदँ क्यंगु लसताय् आइतवाः, सोमवाः व मंगलवाः अस्पतालया ग्वसालय् हे स्वन्हुयंकं उकथं सितिकं मचाछेँया जाँच शुरु यानागु खँ भक्तपुर क्यान्सर अस्पतालं जानकारी बिउगु दु।
निःशुल्क उपचार यायेगु ज्याय् संलग्न अस्पतालया मिसा ल्वय् विशेषज्ञ डा. सरिता गिरीं बियादीगु जानकारी कथं निःशुल्क जाँचय् सच्छिम्ह मिस्तय् मचाछेँया जाँच यायेत्यंगु खः। वइगु असोज २१ ग्ाते अस्पतलं झिदँ बुदिं हनीगु ज्याझ्वः दु ।
अस्पतलया बुदिंया लसताय् लुमन्ति पौ नं पिथनीगु जूगु दु। 'आशा' नांया उगु लुमन्ति पौया न्हूगु ल्याः अस्पतालया बुदिंया लसताय् हे लाकाः विमोचन याइगु जूगु दु ।
