चलखं ल्हानाः निखाछेँया झिंनिम्ह सित
येँ (सन्ध्या टाइम्स)/वंगु स्वन्हु न्ह्यवंनिसें मदिक्क वा वयाच्वंगु कारणं वःगु चलखं ल्हानाः डडेल्धुराय् वंगु चान्हय् झिंनिम्ह सीगु दु ।
थौं वंगु चान्हय् अनया मस्तामाण्डु गाविसय् ४ वडाया गर्खा गामय् वःगु चलखं डम्बर भूल व विजय भूलया निखाछेँयात ल्हायेवं उगु छेँ च्वनाच्वंपिं झिंनिम्ह सीगु खः।
चलखं ल्हानाः विजय भुल, पदमादेवी, रमेश, लालीदेवी, विनोद, महादेव व बसन्ती भुल सीगु खः । अथे हे चलखं ल्हानाः डम्बर भुल, मातादेवी, चुनाकुमारी, हेमा व ठगु भुल नं सीगु खँ प्रहरी निरीक्षक तुलसी अर्यालं कनादीगु दु ।
प्रहरी व स्थानीय जनतां ल्हानाच्वंपिं मुने भुल व विष्णु भुलयात धाःसा सकुसल उद्धार याःगु दु ।
चलखं ल्हानाः सीपिनि सीम्ह लिकायेगु निंतिं प्रहरी, स्थानीय वासिन्दा व रेडक्रसया पुचः खटे जुयाच्वंगु जानकारी नं निरीक्षक अर्यालं बियादीगु दु ।
