ज्वाला सिंह पुचःया केन्दीय दुजः ज्वन

जनतान्त्रिक तराई मुक्ति मोर्चा (ज्वाला सिंह पुचः)या केन्द्रीय दुजः तुलसी धका म्हस्युम्ह साखीचन्द्र यादवयात मंगलवाः सुथय् प्रहरीं महोत्तरीं ज्वंगु दु ।

यादवयात महोत्तरी जिल्ला एकडारा वडा नं ८य् दुगु थःगु हे छेँ नं ज्वंगु खँ प्रहरीं धाःगु दु । प्रहरीया कथं यादव चन्दा आतंक व धम्की बीगू ज्या यानाः स्थानीय जनतायात आतंकित यायेगु ज्याये सक्रिय जुयाच्वंम्ह खः । यादव नापं प्रहरीं मोर्चाया आवश्यक दस्तावेज नं बरामद याःगु दु ।

प्रहरीं थ्वस्वयां निदँ न्ह्यः यादवयात छपू नलकटुवा व गोली सहित ज्वनेधुंकूगु खः । लिपाः सरकार नाप जूगु वार्ताया वातावरण दयेकेत दच्छि न्ह्यः जलेश्वर कारागारं यादवयात त्वःतुगु ख: ।