हेटौंडाय् बस लुटे यात
येँ (सन्ध्या टाइम्स)/पूर्व पश्चिम राजमार्ग हेटौंडाया पथलैया सतक खण्डय् लाःगु बाराया ४ नम्बर पुलय् म्हिगः बहनी ९ बजेपाखे ल्वाभः ज्वनावःपिं छगू पुचलं सवारी साधनय् लुटपाट यात ।
न्याम्ह खुम्ह ति दुगु उगु पुचलं बा. ३ च ६२४३ नम्बरया कार, ना. ३ ख ४६९७, बा. २ ख ६३८६ व ना. १ ख ७६६७ नम्बरया बसया यात्रुतय्के दुगु नगद छगू लाख न्यय्द्वः तका, तिसा व न्हय्गः मोबाइल सेट लुटे याना यंकूगु खँ प्रहरीं धाःगु दु।
लुटेरातय् प्रतिकार यायेगु झ्वलय् बसया छम्ह सहचालक व खुम्ह यात्रु नं घाःपाः जूगु दु ।
