चर्च दुर्घटनाय् घाःपाः जुम्ह थप छम्ह मन्त

धरानया चौकीबारी च्वंगु सियोन चर्चय् जूगु दुर्घटनाय् घाःपाः जुम्ह छम्ह आइतवाः मन्त । वीपी कोइराला स्वास्थ्य विज्ञान प्रतिष्ठानय् वासः याकातःम्ह मोरङ लक्ष्मीमार्गया राजु राई मदुगु खः ।

दुर्घटनाय् लानाः राईया तुती त्वधुगु खसाः छाती दुने नं गम्भीर घाः लाःगु खः । राई नापं चर्चय् दुर्घटना जुया सीपिनि ल्याः नीप्यम्ह थ्यंगु दु । थ्वस्वयां न्ह्यः वंगु मंगलवाः बहनी चर्चय् तयाःतःगु बँया टहरा दुनाः नीस्वम्हेसिया ज्यान वंगु खः । अथेहे दुर्घटनाय् लानाः घाःपाः जुम्ह स्वम्हेसित अझ नं अस्पतालय् वासः याकातःगु दु ।