कोइराला व प्रचण्ड दथुइ सहलह

एमालेया तुच्चा ज्याझ्वलय् नापलायेवं हे नेपाली कांग्रेसया सभापति गिरिजाप्रसाद कोइराला व माओवादी नायः पुष्पकमल दाहाल 'प्रचण्ड' दथुइ थौं पुलां वानेश्वरय् द्धिपक्षीय सहलह जुगु दु ।

शाहि शासनकालया मुख्य सचिव लोकमान सिंह कार्कीया पुलां वानेश्वर स्थित निवासय् वय्कःपिं दथुइ नापलायेगु ज्या जूगु खँ कोइराला निकट स्रोतं जानकारी ब्यूगु दु । स्रोतया कथं शीर्ष नेतात कार्कीया छेँय् याःगु सप्ताहया प्रसाद कायेत वंगु खः ।

२१ गतेदुने हे सहमति दयेकेगु नेतातय् धापू कथं शीर्ष नेतातय्सं थौं हे ब्यागलं सहलह याःगु खः । प्रचण्ड निकट स्रोतया कथं वय्कःपिं दथुइ समसामयिक राजनीतिक विषयसं सामान्य सहलह जूगु खः ।