स्थानीय जनताया मन त्याकेफइगु याकनं आर्थिक प्रगति : राज्य मन्त्री यादव
महिला बालबालीका तथा समाज कल्याण राज्यमन्त्री रामबचन यादवं सहकारी संस्थातय्त आर्थिक पारदर्शी दयेकेफुसा जक स्थानीय जनताया मन त्याकेफइगु व अज्याःगु संस्थां थःगु आर्थिक प्रगति याकनं यायेफइगु खँ धयादीगु दु ।
नवलपरासीया रामग्रम नगरपालीका उजैनीइ दुगु नवदुर्गा बचत तथा रिण सहकारी संस्थाया थौं स्वक्वःगु साधारण सभाय् न्वंवासें राज्यमन्त्रि यादवं आर्थिक अपारदर्शिताया कारण आपालं सहकारी संस्था धरासाई जूगु उदाहारण न्ह्यब्वःगु खः ।
अथेहे मेगू छगू ज्याझ्वलय् नेपाल उद्योग वाणिज्य संघया केन्द्रीय नायः कुशकुमार जोशीं सडक आन्दोलन यानाः व्यवसायीतय्गु व्यापार चौपट यायेत उद्यृत नेतात नेपाली जनतां म्वाःगु खँ धयादीगु दु ।
सप्तरी उद्योग वाणिज्य संघपाखें थौं सुथय् राजविराजय् याःगु छगू ज्याझ्वलय् वयेकलं उगु खँ धयादीगु खः । लगानीकर्तायात निरुत्साहित याःसा विकास जुइमफइगु खँय् बः ब्यूसें नायः जोशीं राज्यय् ल एण्ड अर्डर कायम जूसा जक विकास जुइफइगु धयादिल ।
