सूर्यबहादुर थापा थौं भारत वनीगु
येँ (सन्ध्या टाइम्स)/राष्ट्रिय जनशक्ति पार्टीया अध्यक्ष व पुलांम्ह प्रधानमन्त्री सूर्यबहादुर थापा थौं भारतपाखे झायादीत्यंगु दु । वय्कःया थ्व भ्रमण स्वास्थ्य परीक्षण जक धाःसां नं थ्व राजनीतिक भ्रमण नं जुइगु खँ सम्बन्धित विज्ञतय्सं धाःगु दु ।
भारत भ्रमणया झ्वलय् वय्कलं भारतीय प्रधानमन्त्री मनमोहन सिंह व कांग्रेस आईया अध्यक्ष सोनिया गान्धीयात नं नापलानाः खँल्हाबल्हा यानादीगु ज्याझ्वः दु। अथे हे वय्कलं अनया सरकारी अधिकारीतलिसे नं सहलह यानादीगु ज्याझ्वः दु ।
नेपालय् राजनीतिक गतिरोध अप्वया वनाच्वंगु इलय् जुयाच्वंगु थ्व भ्रमणयात अर्थपूर्ण रुपं कयाच्वंगु दु ।
