मोहनि व न्हूदँया लसताय् एमालेया तुच्चा

येँ (सन्ध्या टाइम्स)/मोहनि व न्हूदँया लसताय् थौं एमालें थःगु ज्याकू बल्खुइ छगू तुच्चा ज्याझ्वःया ग्वसाः ग्वःगु दु। २ बजे निसें ५ बजे तक न्ह्याइगु उगु ज्याझ्वलय् प्रधानमन्त्री, मन्त्री, संविधानसभाया अध्यक्ष, विदेशी कुटनीतिक नियोगया प्रमुखपिं व थीथी राजनीतिक पार्टीया नेता कार्यकर्तातय्त ब्वनातःगु दु। २०५२ सालय् मदुम्ह एमालेया अध्यक्ष व पुलांम्ह प्रधानमन्त्री मनमोहन अधिकारीं एमालेया थ्व तुच्चा ज्याझ्वःया शुरुवात याना थकूगु खःसा एमालें उकियात निरन्तरता बिया वयाच्वंगु दु ।