श्रीघलय् हिदान
येँ (सन्ध्या टाइम्स)/ श्रीघः पुन्हिया लसताय् श्री रत्नमण्डल महाविहार शाक्य सर्वसंघपाखे नःघलय् म्हिगः हिदान ज्याझ्वः जुल ।
ज्याझ्वःया उलेज्या सर्वसंघया थाकुलि दिलमान शाक्य व २८ वडाया पुलांम्ह वडाध्यक्ष हसना शाक्यं मंकाः कथं यानादीगु खः ।
उगु हिदान ज्याझ्वलय् ब्वति काःपिंत धम्मवती गुरुमांपाखे दानपारमिताया विषयलय् ध्वाथुइकादीगु खः। हिदान ज्याझ्वलय् चय्छम्ह रक्तदातापिंसं ब्वति काःगु खः ।
