छवाःया नेप्से थहां वन
येँ (सन्ध्या टाइम्स)/मोहनि नखःया इलय् नेप्सेय् कारोबार बन्द जुइ स्वयां न्ह्यः जूगु छवाःया कारोबारय् व स्वयां छवाः न्ह्यः जूगु कारोबारय् स्वयां दां ल्याखं ४२ दशमलव ८४ प्रतिशतं कुहां वःगु दु। वाःया न्हापांगु न्हि ६२८ दशमलव ९० अंकं शुरु जूगु कारोबार वाःया लिपांगु न्हि १ दशमलव ६५ अंकं थहां वनाः बजाः बन्द जूगु खः ।
उगु वालय् चय्छगू कम्पनीया २९१९ कारोबारं नीन्यागू करोड प्यंगू लाख स्वीछद्वः तका दांया स्वंगू लाख न्यय्प्यद्वः व च्यासः कित्ता शेयर कारोबार जुल। व स्वयां न्ह्यःया वालय् ४७७८ कारोबारं मुक्कं पीस्वंगू करोड चय्छगू लाख झिंस्वद्वः तका बराबरया झिंन्यागू लाख निद्वः व न्यासः कित्ता शेयर कारोबार जूगु खः ।
अथे हे नखः न्ह्यः नेप्सेय् जूगु कारोबारय् 'क' वर्गया कारोबार मापन याइगु सेन्सेटिभ इन्डेक्स नं वाःया न्हापांगु न्हिया तुलनाय् शून्य दशमलव ६८ अंकं थहां वःगु दु। वाःया न्हापांगु न्हि १६१ दशमलव १२ अंकं शुरु जूगु कारोबार लिपांगु न्हि १६१ दशमलव ८० अंकय् थ्यंकाः बजाः बन्द जूगु खः ।
थुगु वालय् 'क' वर्गया कम्पनीया जक झिंन्यागू करोड झिंस्वंगू लाख तका बराबरया कारोबार जुल। थ्व नेप्सेय् जूगु कूल कारोबारया ६० दशमलव ४२ प्रतिशत खः ।
थुगु वालय् न्हय्गू करोड प्यंगू लाख दांया कारोबार याःगु लिधंसाय् स्टायण्डर्ड चार्टर्ड बैंक न्हय्न्द्वः कित्ता शेयर न्याये-मी जूगु लिधंसाय् पश्चिमाञ्चल विकास बैंक व स्वसः व झिंछगू कारोबार जूगु लिधंसाय् लुम्बिनी इन्स्योरेन्स कम्पनी दकलय् न्ह्यःने लाःगु दु ।
