चित्लाङ्गया खड्ग जात्रा क्वचाल
येँ (सन्ध्या टाइम्स)/चित्लाङ्गय् परम्परागत रुपं न्यायेका वयाच्वंगु खड्ग जात्रा क्वचाल ।
चालं कुन्हु थःस्वयां थँजिपिनि ल्हातं सिन्हः तिनाः जात्राया तयारी यायेगु याइ। चित्लाङ्गया कपुर गां, कुच्बु व दथुगामय् खड्ग जात्रा यायेगु चलन दु ।
जात्राया झ्वलय् खड्ग ज्वनीपिं सकलें निराहार च्वनेमाःगु प्रचलन दु। जात्राया झ्वलय् कोटघरं बाजागाजा सहित पिहां वइगु जात्रा गां चाःहिलाः हाकनं कोटघरय् तुं लिहां वयाः क्वचायेकीगु खः ।
