'सुरक्षा योजनाया कारणं नखःया ईलय् अपराध म्हो'

नेपाःमितय्सं नखः सुथांलाक्क न्येकेमाः धकाः नखःया ईलय् लागू याःगु सुरक्षा योजनाया कारणं थुगुसी मोहनिया ईलय् आपराधिक गतिविधि म्हो जूगु खँ प्रहरीं धाःगु दु ।

आइतवाः महानगरीय प्रहरी परिसर हनुमानढोकां छगू पत्रकार सम्मेलन यानाः थुगु जानकारी ब्यूगु खः । पत्रकार सम्मेलनय् थुगुसी मोहनिया ईलय् आपराधिक गतिविधि म्हो जुयाः न्ह्यगू प्रतिक्षतय् सिमित जूगु खँ धाःगु दु । अथेहे आः नापं वयाच्वंगु स्वन्तिया ईलय् नं सुरक्षा व्यवस्था कडा यायेत प्रहरीं थीथीं योजना हःगु जानकारी बिल ।

प्रहरीं थुगुसिया स्वन्तिइ पटाखा मीगू ज्याये कडाइ याइगु खँ धाःगु दु । स्वन्तिया ईलय् सुरक्षा क्वतुइकेत ह:गु योजनाय् संकास्पद थासय् चेक पोस्ट गठन यायेगु, पटाखा मीगु पसःया ढल दयेकीगु, नाकाय् सवरी साधानयात कडाइ पूर्वक जांच यायेगु लगायतयात दु ।