माग सम्बोधन मजूसाः माओवादीं थःगु अडान मत्वःतिगु
प्रमुख प्रतिपक्षी दल एकीकृत नेकपा (माओवादीं) नागरिक सर्वोच्चतया मुद्दायात उचित ढंगं सम्बोधन मयासाः मंकाः संकल्प प्रस्ताव मान्य मजुइगु निर्णय याःगु दु ।
माओवादीया मू ज्याकू कोटेश्वरया पेरिस डाँडाय् शुक्रवाः च्वंगु स्थायी समितिया बैठकं थंज्याःगु निर्णया याःगु खः । बैठकं राजनीतिक सहमतिया निंतिं जिम्मेवार ढंग प्रस्तुत जुइगु व मेमेगू दलतय्सं न्ह्यब्वइगु प्रस्ताव कथं थःपिनिगु आगामि पलाः क्वछीगु निर्णय नं याःगु दु ।
माओवादीं सत्तारुढ दलत नाप जुयाच्वंगु वार्ता व सहमति कायम यायेत जुयाच्वंगु सहलहया समिक्षा नं बैठकय् याःगु खः । अथेहे बैठकय् माओवादीया आगामी महाधिवेशन व संठगन सुदृढिकरण यायेगु विषयलय् नं सहलह जूगु खँ माओवादी प्रवक्त दिनानाथ शर्मां कनादिल ।
माओवादी स्थायी समितिया मेगू बैठक शनिवाः छताः ईलय् हानं च्वनीगु जूगु दु ।
