अमेरिकाय् नेपाःमि स्यात

अमेरिकाया साउथ क्यारोलोना स्पार्टवर्ग काउन्टीइ दुगु सिट्को ग्यास स्टेसनय् छम्ह नेपाःमियात बुधवाः बहनी अज्ञात पुचलं स्याःगु दु ।

ग्यास स्टेसनया संचालक नं जुयादिम्ह पीदँया नेपाःमि रवीन्द्र शर्माया नापं अन हे ज्या याइम्ह स्वीन्यादँया मेक्सिकन गुमारो गोन्जालेयात नं अज्ञात पुचलं गोलीं क्येकाः स्याःगु खः । गोन्जालेस घटनास्थलय् हे सीगु खसाः शर्मायात वासः याकेत अस्पताल यंकेगु झ्वलय् लँय् मदुगु खः ।

नेपाःया गुल्मीइ छेँय् जुम्ह कृष्ण कँडेल व पर्वत छेँ जुम्ह सिम्ह शर्माया मंकाः लगानीइ वंगु जुलाई निसें ग्यास स्टेसन सुरु जूगु खः ।