थक्वातय् बारा पटाखा ज्वन
येँ (सन्ध्या टाइम्स)/जनकपुरं येँपाखे हयाच्वंगु बारा पटाखा थानकोटय् प्रहरीं ज्वंगु दु। ना. ३ ख ६२३३ नम्बरया बसय् चेक जाँच यायेगु झ्वलय् कार्टुनया बाकसय् तयाहःगु ३५० किलो अज्याःगु पदार्थ ज्वंगु खः ।
स्वन्तिया इलय् मीत येँय् हयाच्वंगु सुराकीया आधारय् प्रहरीं गाडी चेक जाँच यायेगु झ्वलय् उगु ज्वलं ज्वनागु खँ थानकोटया प्रहरी निरीक्षक अंगुर जिसीं कनादीगु दु।
म्हिगः नं थानकोटय् छगः बसय् १२०० किलो विष्फोटक पदार्थ ज्वंगु खः ।
थ्वहे झ्वलय् स्वन्तिया इलय् जुइ फइगु आपराधिक घटनायात नियन्त्रण यायेगु निंतिं सुरक्षा व्यवस्था कडा यानागु खँ नं येँ जिल्ला प्रहरी प्रमुख नवराज सिलवालं कनादीगु दु ।
