अमेरिकाय् नेपाःमि स्यात
येँ (सन्ध्या टाइम्स)/अमेरिकाया साउथ क्यारोलिनाया स्पार्क बर्ड काउन्टीइ गोलीं कयेकाः छम्ह नेपाःमियात स्याना बिउगु दु। वंगु स्वन्हु न्ह्यः ग्याँस स्टेशन संचालन यानाच्वंम्ह पर्वत शंकर पोखरीया रविन्द्र शर्मायात अज्ञात मनूतय्सं गोलीं कयेकाः स्याना बिउगु खः। उगु घटनाय् लानाः छम्ह स्पेनिस नागरिक नं सीगु खँ धाःगु दु। शर्मां थनिं खुला न्ह्यः तिनि नेपाःया हे कृष्ण कँडेललिसे जानाः ग्याँस स्टेशन चायेकूगु खः ।
