थौं माओवादी बैठक

येँ (सन्ध्या टाइम्स)/ न्ह्यानाच्वंगु राजनीतिक गतिरोध अन्त्य व माओवादीया महाधिवेशन बारे सहलह यायेत थौं स्थायी समितिया बैठक च्वंगु दु। थौंया बैठकय् सत्तारुढ दलतलिसे जुयाच्वंगु सहमति बारे समीक्षा जुइगु खँ माओवादी प्रवक्ता दिनानाथ शर्मां कनादीगु दु। अथे हे महाधिवेशनया निंतिं प्रतिनिधि ल्ययेगु व साधारण सदस्य नवीकरण बारे नं सहलह जुइगु खँ धाःगु दु। लिसें मोहनि स्वन्तिया झ्वलय् न्ह्याकूगु जनसम्पर्क व जन सम्बन्ध बारे नं सहलह जुइगु खँ धाःगु दु ।