शिक्षाविद् कृष्णबहादुर मानन्धर मंत

येँ (सन्ध्या टाइम्स)/शिक्षाविद् कृष्णबहादुर मानन्धर ८९ दँया बैंशय् थौं सुथय् मंत। पद्मोदय माविया सह-संस्थापक नं जुयादीम्ह वय्कलं आपालं थासय् ब्वंकेगु ज्या नं यानादीगु दु। नेपालय् प्यक्वःगु विश्व बौद्ध सम्मेलन जूगु इलय् वय्कलं थःगु व्यक्तिगत सम्पर्कया लिधंसाय् भारतीय संविधानया निर्माता बाबा साहेब अम्बेडकरयात नेपालय् निमन्त्रणा बियादीगु खः। वय्कः लाय्कूसाः त्वाःया कजि नं खः ।