नेवाः स्वायत्त राज्यया निंतिं नेवाः मार्चपार्स
येँ (सन्ध्या टाइम्स)/'नेपालमण्डल नेवाः स्वायत्त राज्य' या संस्थागत याकेत जनजागरण अभियान न्ह्याकेगु कथं न्हूदँया लसताय् नेवाः देय् गुथि नेपालमण्डलं थुगुसी येँय् लाय्कू बसन्तपुलिं निसें यलया लाय्कू मंगलय् तक न्यासि वनेगु (वाकाथोन) ज्याझ्वः याइगु जूगु दु ।
ने.सं. ११२९ कौलागा १४ कुन्हु सुथसिया न्हय्ता इलय् न्ह्याइगु उगु ज्याझ्वः ११ ता इलय् यलया मंगलय् थ्यंकेगु ग्वसाः दयेकातःगु दु ।
ज्याझ्वलय् ब्वति कायेत म्हतिं १०० तका दां काइगु जूगु दुसा विद्यार्थीतय्के धाःसा ५० तका जक कायेगु खँ नं गुथिं धाःगु दु।
देय् गुथिया कथं थ्व छगू कथं नेवाः स्वायत्त राज्य स्थापना यायेगु निंतिं नेवाःतय्सं यायेत्यंगु दकलय् न्हापांगु मार्चपास ज्याझ्वः खः ।
