लुँया झंगःया च्यारिटी सो
येँ (सन्ध्या टाइम्स)/सुकुन्दा फिल्मस् प्रालिया न्ह्यब्वःगु नेपालभाषाया न्हूगु संकिपाः 'ग्वँगः क्वसः-२ लुँयाम्ह झंगः'या च्यारिटी सो थ्वहे वइगु असोज २४ गते यलया स्टाफ कलेजय् यायेत्यंगु दु ।
निर्माण पक्ष बिउगु जानकारी कथं थुगु संकिपाया निर्देशन सुरेन्द्र केसीं यानादीगु खःसा पटकथा व सम्वाद बासु शाहीं च्वयादीगु खः ।
करुणाकर बैद्यया बाखँया लिधंसालय् दयेकूगु थुगु संकिपाय् सुरेन्द्र केसी, पल्पसा डंगोल, श्यामसुन्दर सिल्पकार, गंगा शाही व बासु शाहीपिंसं म्हितादीगु खः। प्याखंया स्वनिगःया लिसें स्वनिगः पिने पोखरा व बन्दीपुरय् नं जूगु खँ निर्माण पक्षं धाःगु दु ।
