अष्ट्रेलियाय् नेपाःमि ज्वन
येँ (सन्ध्या टाइम्स)/ अष्ट्रेलियाया गिप्सल्यान्डय् अवैध रुपं ज्या यानाच्वंपिं नेपाःमि सहित १९ म्ह विदेशी ज्यामितय्त ज्वंगु दु। उकी मध्ये च्याम्ह मलेसियालीयात तत्काल हे उमिगु देश लित छ्वःगु खःसा नेपाःमि व इन्डोनेसियालीतय्त स्वदेश लित छ्वयेगु प्रक्रिया न्ह्याकूगु खँ धाःगु दु ।
ज्वंपिं मध्ये ग्वःम्ह नेपाःमि धइगु सीमदुनि। वंगु अगस्टय् नं अष्ट्रेलियाया अध्यागमन विभागं मलेसिया, चीन व भियतनामया २३ म्ह अवैध ज्यामितय्त ज्वंगु खः।
अनया अध्यागमन विभाग प्रवक्ता सियनाल म्यान्टोनं धाः कथं स्वीकृति मकासे रोजगारी बिउपिं कम्पनीतय्त नं कारवाही यायेत्यंगु दु ।
