मुक्तिनाथय् दुर्घटनाय् लाना छम्ह वेपत्ता
येँ (सन्ध्या टाइम्स)/मोटरसाइकलं मुक्तिनाथ चाःहिलाः लिहां वयेगु झ्वलय् जूगु दुर्घटनाय् लानाः छम्ह वेपत्ता जूगु दुसा छम्ह घाःपाः जूगु दु ।
मुक्तिनाथं लिहां वयाच्वंगु इलय् मोटरसाइकल दुर्घटना जुयाः मोटरसाइकलय् च्वना वयाच्वंम्ह येँया नितु श्रेष्ठ कालीगण्डकी खुसी बेपत्ता जूगु खःसा चालक येँया हे दिनेश मल्ल सिमाय् थानाच्वंगु खँ धाःगु दु ।
चालकया अवस्था विक्षिप्त जुयाच्वंगु खँ नं प्रहरीं धाःगु दु। वेपत्ता जुयाच्वंम्ह श्रेष्ठया मालेज्या जुयाच्वंगु दु ।
