बाराय् बम मुयाः निम्ह सित
येँ (सन्ध्या टाइम्स)/ बाराया फेटा गाविस वडा नम्बर ९ लय् सकेट बम मुयाः निम्ह मनू सीगु दुसा प्यम्ह घाःपाः जूगु दु।
अनया छखा छेँय् दाजु कैलाश मुखिया व किजा अरुण मुखिया दथुइ ल्वापु जूगु इलय् किजाम्ह अरुण मुखियां बम मुइका बीवं दाजु कैलाश व किजा अरुण निम्हं सीगु खः।
उगु दुर्घटनाय् लानाः मांम्ह रमादेवी मुखिया व अबु शिवपुजन मुखियाया लिसें कायचा प्रेम मुखिया व मेम्ह छम्ह पर्साया छोटेलाल मुखिया नं घाःपाः जूगु खः।
घाःपाः जूपिं मध्ये रमादेवी, शिव पुजन व प्रेमयात कैलाली अस्पतालय् वासः याकातःगु दुसा छोटेलालयात नारायणी उपक्षेत्रीय अस्पताल वीरगञ्जय् वासः याकातःगु दु।
प्रहरीं घटनायात कयाः अनुसन्धान न्ह्याकेधुंकूगु जानकारी बिउगु दु ।
