मेची नगरपालिकाय् बम
येँ (सन्ध्या टाइम्स)/झापाया मेचीनगर नगरपालिकाय् मधेश राष्ट्र जनतान्त्रिक पार्टी क्रान्तिकारीं बम मुइका बिउगु दु। बमं कयाः भवनया २० पाः झ्याःया न्हाय्कं तज्याःगु दुसा छुं भागय् क्षति नं जूगु दु। भवनया ६० मिटर तापाकनिसें तारं सकेट बम मुइकूगु खः। क्रान्तिकारीं झापाया फुक्कं गाविस व नगरपालिकाय् निकासी कर, हाट कर व पशु कर बन्द या धासें थ्व बम मुइकागु खँ धाःगु दु ।
